- ஆடையை நனைக்காமல் பாதத்தைத் தொட்டுச்செல்லும் கடல்
அலைகள் - கரையைக் கீறி ஓவியம் வரையும் நண்டுக்குஞ்சுகள்
- பனியெனப் பெய்து முகம் நனைக்கும் மழைத் துளிகள்
- வெற்றி பெறாத நாட்களில் கூட ‘நீ நல்லா வருவ டா’ எனச்சொல்லி
அம்மா தரும் நெற்றி முத்தம் - அம்மாச்சி வைத்த புளிக்குழம்பில் நறுக்கிப் போடப்பட்ட
முருங்கைக்காயின் நடுவில் தேங்கி நிற்கும் புளிப்புச் சுவை - அரைகுறையாய் பொரிந்த கடைசி ஒற்றை மொறுமொறு சோளப்பொரி
- மேலே ஏறியும் கடிக்காமல் நடந்து போகும் நெருப்பெறும்பு
- வலிக்காமல் நர்ஸ் போடும் காய்ச்சல் ஊசி
- அலுவலகம் வரை அழுக்காகாமல் இருக்கும் வெள்ளைச் சட்டை
- ஃபெயிலான கணக்குப் பரீட்சை பேப்பரில் திட்டாமல் அப்பா போடும்
கையொப்பம் - அண்ணனுக்கு கால் பிடித்துவிடும் தங்கை
- அக்காவுக்கு ஜடை பின்னிவிடும் தம்பி
- 1% சார்ஜ்-ன் போது வந்து சேரும் விருப்பமானவளின் முத்த ஸ்மைலி
- வால் பகுதி குழம்பு மீன்
- கடலில் விழுந்துகிடக்கும் முழு நிலவு
- விடிந்தும் முடியாத முதல் இரவு
- காமம் நீர்த்த பின் கிடைக்கும் காதலனின் கழுத்து முத்தம்
- கணவன் மாட்டிவிடும் ஜாக்கெட் கொக்கி
- உங்கள் கோமாளி செய்கையை பார்த்து அழுகையை நிறுத்தும்
பச்சை குழந்தை - ஊரே கண்டு கொள்ளாத அழுக்குப் பிச்சைக்காரனுக்கு காரிலிருந்து
மினரல் வாட்டரை எடுத்து அருந்தத் தரும் பணக்காரி - முழுவதும் நிரப்பப்பட்ட உடையாத பாணி பூரி
- புயலில் கூட கலையாமல் இருக்கும் குருவிக் கூடு
- பெரும்விபத்திலிருந்து மயிரிழையில் தப்பி வந்த உயிர்
- முகம் தெரியாதவர் உங்கள் உயிரைக் காப்பாற்ற தானம் தரும் ரத்தம்
58 - எதிர்பாராத நேரத்தில் நண்பனிடமிருந்து உதவிக்கு வந்து சேரும்
பணம் - எதிர்பார்ப்பின்றி அன்பை அள்ளித் தரும் தோழியின் மனம்
- காதலியின் புன்னகை, தூக்கக் குரல், சுண்டு விரல் நுனி, உதட்டு
ரேகையின் சுவை, கர்சீஃப்பில் படிந்த வேர்வை வாசனை…
என வாழ்க்கை எங்கும் சுவாரஸ்யங்கள் நிரம்பிக் கிடக்க ‘தனிமை’யைத்
திருத்தி ‘இனிமை’ என்றெழுத என்ன தயக்கம்?
வாழ்கை அழகானது
